Cyfreithwyr Cytundeb Partneriaeth

Gall sefydlu cytundeb partneriaeth ysgrifenedig manwl cyn dechrau busnes fel partneriaeth helpu i sicrhau y bydd y busnes yn rhedeg yn esmwyth, lleihau ansicrwydd a'r risg o anghydfod rhwng partneriaid yn y dyfodol.

Gallwn helpu

Mae gennym un o'r timau cyfraith fasnachol penodedig a phrofiadol mwyaf yn y rhanbarth ac rydym wedi cynghori amrywiaeth o fusnesau ar sefydlu trefniadau partneriaeth cadarn ar draws ystod o sectorau. Mae ein cyfreithwyr masnachol yn ne Cymru yn arbenigo mewn cynorthwyo amrywiaeth o sectorau gan gynnwys:

• Manwerthu
• Hamdden a lletygarwch
• Logisteg a thrafnidiaeth
• Gwasanaethau proffesiynol - fel cyfrifwyr, cynghorwyr ariannol annibynnol a hyd yn oed cwmnïau cyfreithwyr eraill
• Peirianneg
• Cartrefi gofal
• Gofal Iechyd – deintyddion, fferyllwyr a meddygon teulu

Gallwn eich cynghori a'ch tywys drwy bob cam o'r broses o sefydlu cytundeb partneriaeth o'r dechrau i'r diwedd. I siarad ag un o'n cyfreithwyr arbenigol, cysylltwch ag aelod o'n tîm gan ddefnyddio ein manylion cyswllt staff isod neu ddefnyddio ein cyfleuster Sgwrs Fyw sydd ar gael 24/7.

Mae gennym gyfoeth o brofiad o baratoi, negodi a chynghori ar gytundebau partneriaeth ar gyfer busnes. Rydym hefyd yn gyfarwydd iawn â’r problemau a all godi rhwng partneriaid yn ystod oes busnes a gallwn gynnig cyngor masnachol ymarferol ynghylch sut i ddeddfu ar gyfer y problemau hynny mewn cytundeb partneriaeth.