Cyfreithwyr Anafiadau Personol

Adnabyddir cyfreithwyr JCP fel un o gwmnïau cyfreithwyr mwyaf blaenllaw Cymru ar gyfer achosion damweiniau ac anaf personol. Yn ogystal â hawliadau llai fel y rhai ar gyfer damweiniau ar y ffyrdd, rydym hefyd yn arbenigo mewn anafiadau trychinebus gan gynnwys anafiadau i’r pen ac anafiadau i’r asgwrn cefn.

Yn anffodus, mae damweiniau yn digwydd a gall colledion ariannol eraill a achoswyd o’u herwydd arwain at ofid a chaledi. Gall ein tîm o gyfreithwyr sy’n arbenigo mewn anaf personol eich cynorthwyo i hawlio unrhyw iawndal y gallech fod â hawl iddo.

Rydym yn addo y byddwn yn ymdrin â’ch achos gyda chydymdeimlad a charedigrwydd, ac yn darparu gwasanaeth proffesiynol gan gyfreithwyr profiadol ar yr un pryd.

Byddwn yn trefnu i’ch gweld yn ein swyddfeydd ledled de a gorllewin Cymru. Neu byddem yn hapus i gwrdd â chi yn eich cartref neu ymweld â chi yn yr ysbyty pe byddai eich sefyllfa neu anaf yn golygu nad ydych yn gallu teithio.

Felly, os ydych chi wedi bod yn ddigon anffodus i ddioddef anaf o ganlyniad i ddamwain o fewn y tair blynedd diwethaf, lle nad arnoch chi oedd y bai, ac yr hoffech gael sgwrs â ni yn rhad ac am ddim heb unrhyw ymrwymiad, naill ai wyneb yn wyneb neu dros y ffôn, cysylltwch ag aelod o’n tîm profiadol a chyfeillgar.

Pwy fydd yn talu fy nghostau?

Yn ein cyfarfod cyntaf, sy’n rhad ac am ddim, byddwn yn trafod y gwahanol ffyrdd y gellid talu eich costau cyfreithiol. Fel arfer gallwn eich cynrychioli ar y sail na fydd cost i chi os na fyddwn ni’n ennill yr achos.

Pa mor gyflym y mae angen i mi weithredu?

Mae terfynau amser llym yn berthnasol os ydych yn dymuno mynd ag achos anaf personol ymhellach. Dylech gysylltu â ni cyn gynted â phosib felly.

Mae gennym unigolion yn y tîm sy’n aelodau o Banel Anaf Personol Cymdeithas y Gyfraith, Y Gymdeithas Anafiadau i’r Asgwrn Cefn, Panel Cyfreithwyr Headway, Y Gymdeithas Cyfreithwyr Anaf Personol a’r Gymdeithas Cyfreithwyr Damweiniau ar y Ffyrdd. Pwy bynnag o’n Tîm Anaf Personol y byddwch yn ei gyfarwyddo, bydd yn eich cynrychioli gyda’r arbenigedd a’r cydymdeimlad yr ydych yn ei haeddu.