Ein Hadduned O Ran Y Gymraeg
Yng nghwmni Cyfreithwyr JCP rydym yn ymfalchïo yn y Gymraeg. Credwn ei bod yn cyfleu ymdeimlad o ymddiriedaeth.
Mae 18% o'n cydweithwyr yma yn JCP yn siarad Cymraeg ac mae cyfle i gyfathrebu â ni drwy gyfrwng y Gymraeg wedi bod ar gael i'n cleientiaid, pan fyddant yn dewis hynny, ers blynyddoedd lawer. Mae bob amser wedi bod yn ganolog i ethos JCP ein bod yn rhan annatod o'r cymunedau rydym ni'n eu gwasanaethu, ac mae'r gallu i gyfathrebu â'n cleientiaid yn yr iaith y maen nhw fwyaf cartrefol ynddi yn allweddol i'r dull gweithredu hwn.
Dyma uchafbwyntiau ein gwasanaethau Cymraeg ar gyfer ein cleientiaid:
- Gallwch siarad Cymraeg â chydweithwyr pan fyddwch chi'n eu gweld yn gwisgo'r bathodyn
- Mae croeso i chi ysgrifennu atom yn Gymraeg neu Saesneg
- Byddwn yn gwneud pob ymdrech i drafod eich mater yn Gymraeg
- Mae ein gwefan yn ddwyieithog
- Bydd ein taflenni a'n nwyddau marchnata mwyaf poblogaidd ar gael yn Gymraeg
- Mae recriwtio cydweithwyr sy'n siarad Cymraeg yn cael ei ystyried yn fantais
- Byddwn yn cefnogi digwyddiadau cymunedol lleol sy'n hyrwyddo'r defnydd o'r Gymraeg
- Byddwn yn cynnal brecwast blynyddol ar gyfer ein cleientiaid corfforaethol sy'n siarad Cymraeg er mwyn annog y defnydd o'r Gymraeg mewn busnes
Rydym mor falch o fod y cwmni cyfreithiol cyntaf i dderbyn achrediad ffurfiol ar gyfer ein Cynnig Cymraeg gan Gomisiynydd y Gymraeg ym mis Mawrth 2021.